Leikrit

Skepnan

Útvarpsleikrit

Framhaldsleikritið Skepnan eftir Hildi Knútsdóttur er æsispennandi fjölskylduleikrit í fjórum þáttum. Leikritið var frumflutt í Útvarpsleikhúsinu á Rás 1 yfir páskana 2017.

Unglingarnir Halldóra og Bessi eru stödd í sumarbústað ásamt mæðrum sínum, þeim Dunnu og Ölfu, sem eru miklar vinkonur. Dunna og Alfa eru leiðinni á hagyrðingakvöld í sveitinni sem þau Halldóra og Bessi hafa lítinn áhuga á.

Þau verða því eftir í sumarbústaðnum og ákveða að gera podcast með draugasögum sem þau byrja að taka upp á símann hans Bessa, til að hafa ofan af fyrir sér. Þessar sagnatilraunir eru býsna hrollvekjandi en komast hinsvegar ekki í hálfkvisti við veruleikann sem vinirnir Halldóra og Bessi standa frammi fyrir áður en yfir lýkur þetta kvöld.

„Ég vona að Hildur Knútsdóttir leggi aldrei óhugnaðinn á hilluna því fáum ef nokkrum íslenskum rithöfundum hefur tekist að hræða mig jafn listilega og henni í gegnum bækur sínar og nú síðast fjölskylduleikrit Útvarpsleikhússins á Rás 1 um páskana, Skepnan. Fyrir utan að vera einn af okkur bestu pennum hefur hún fullkomið vald á því að skapa óhugnað sem er í senn bæði yfirgengilegur og trúverðugur en líka hulinn einhverri dýpri merkingu. […] Skepnan stóð undir væntingum.“ 
 
Júlía Margrét Alexandersdóttir / Morgunblaðið

Gestir

Leikrit

Hálfsviðsettur leiklestur á Listahátíð í Reykjavík 2016 í leikstjórn Viðars Eggersstonar. Leikritið var unnið í höfundasmiðju Borgarleikhússins og Félags leikskálda- og handritshöfunda.